Ambasada e SHBA-së: Kosova nuk përfiton nga rritja e taksave për anëtarët e CEFTA-s
kosova
Ambasada e SHBA-së: Kosova nuk përfiton nga rritja e taksave për anëtarët e CEFTA-s

Ambasada e SHBA-së: Kosova nuk përfiton nga rritja e taksave për anëtarët e CEFTA-s

Ushtruesja e detyrës së ambasadores së Shtetetve të Bashkuara në Kosovë, Colleen E. Hyland, ka thënë përmes një postimi në Twitter se Kosova nuk përfiton nga rritja e detyrimeve për anëtarë tjerë të CEFTA-s.

“Kosova nuk përfiton nga rritja e detyrimeve ndaj anëtarëve tjerë të CEFTA-s. Vetëm krijon pasiguri për bizneset dhe jostabilitet ekonomik. Më mirë është që të bëhet më shumë përpjekje për të siguruar një të ardhme më të frytshme përmes dialogut”, ka thënë ajo.

Qeveria e Kosovës ka njoftuar ditë më parë për vendosjen e tarifave prej 10 për qind në importet e Serbisë dhe Bosnjës.

Ky vendim është kritikuar nga Bashkimi Evropian, përfaqësues të së cilit i kanë kërkuar Kosovës të tërheqë këto masa.

Serbia ka importuar vitin e kaluar mallra në vlerë të 450 milionë eurove në territorin e Kosovës, ndërsa importi i produkteve të Bosnjë Hercegovinës vitin e kaluar ka prekur shifrën e 81 milionë eurove.

© ZHURNAL 13.11.2018, 20:24 | T.E. | 830 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Një kroat mashtroi një tetovar duke ia vjedhur 40 mijë euro!

Shkup, 14 dhjetor – Një qytetar nga Tetova humbi 40.000 euro me të cilat donte të blejë makina nga Italia, pasi u mashtruar nga një kroat, i cili deklarohej si pronar i kompanisë, ka njoftuar Ministria e Punëve të Brendshme, shkruan "Zhurnal".

Policia e Tetovës e ka akzuuar personin M.K. (38) nga Kroacia për mashtrim të veprës penale. Sipas policisë A.G. (34) nga fshati Strimnicë i Tetovës, menaxher i kompanisë nga Strimnica, muajin e kaluar njoftoi se është mashtruar. Biznesmeni shpjegoi se më parë kishte kontaktuar me një person të panjohur, i cili është paraqitur si pronar i një firme në Milano të Italisë.

Banori nga Tetova ishte i interesuar të blejë makineri pune dhe më 26 nëntor 2018 ai dërgoi përfaqësuesin e tij në Itali, të cilit iu prezantuan makinat e punës. Në të njëjtën kohë, përfaqësuesi i firmës nga Tetova i ka dhënë 8,000 euro si kapar, kurse si garancë iu është dhënë një fotokopje e letërnjoftimit të një personi nga Kroacia.

Pasi janë dakorduar për çmimin, A.G. i ka paguar edhe 32,000 euro firmës në Itali, por më pas M.K. i ndërpreu të gjitha kontaktet me qytetarin nga Tetova , kurse makineritë nuk iu dorëzuan atij.

© ZHURNAL 14.12.2018, 20:39 | B.L.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."