Deliu-Kodra: Presidenti i Kosovës është njeriu më i përgatitur për dialogun Kosovë-Serbi
kosova
Deliu-Kodra: Presidenti i Kosovës është njeriu më i përgatitur për dialogun Kosovë-Serbi

Deliu-Kodra: Presidenti i Kosovës është njeriu më i përgatitur për dialogun Kosovë-Serbi

Deputetja e Partisë Demokratike të Kosovës, Blerta Deliu-Kodra, ka folur për dialogun Kosovë-Serbi si dhe për funksionimin e Kuvendit të Kosovës.

Ajo në Express Intervistën në KTV, tha se PDK-ja, është e para që ka dalë me një platformë të qartë dhe me vija të kuqe, për sa i përket dialogut Kosovë-Serbi. Ka thënë se takimi i sotëm presidentit të Kosovës Hashim Thaçi e atij serb Aleksandar Vuçiq, do të ishte e udhës që të kishte konsensus.

“Do të ishte mirë që presidenti të shkonte në Bruksel me një përkrahje nga partitë në Kosovë, por s’pati dakordim. Pozicioni i presidentit në këtë mënyrë do të ishte edhe më i fuqishëm. E kemi obligim si pozitë dhe si opozitë të jemi bashkë”, tha ajo.

Se sa PDK-ja i beson presidentit Thaçi për idetë e tij, ajo tha se ai vazhdon të bëjë takime pasi është president the kjo i takon atij ta bëjë.

“Thaçi ka legjitimitet të plotë të jetë pjesë e këtij procesi, fundja është njeriu më i përgatitur për këtë çështje”, tha Deliu-Kodra, duke shtuar se PDK-ja e mbështet atë, transmeton Koha.net.

Deputetja e PDK-së, tha se dialogu është mundësia e vetme që të shihet qartë pozicioni i Kosovës.

Deliu-Kodra, më tutje theksoi se PDK-ja do të punojë në përputhje të Kushtetutës për sa i përket kufijve. “Tema rreth ndarjes së Kosovës është e krijuar nga caqe të caktuara. Kosova nuk do të ketë reflektim të tillë”, tha ajo.

Për korrigjimin e kufijve, ajo tha se duhet marrë përgjegjësi e të bëhen bashkë pozitë e opozitë për pikat që kanë dakordim.

Në KTV, deputetja e PDK-së tha gjithashtu se Serbia po bën fushatë të vazhdueshme për sa i përket anëtarësimit të Kosovës në organizata të ndryshme. Tha se partitë në Kosovë duhet të jenë unike pasi janë ‘shkapërderdhur’ e kjo sipas saj, i ndihmon shtetit serb.

Për sa i përket punës së Kuvendit, ajo mohoi se s’është krejt funksional. E pranoi që ka shumë ligje të cilat nuk kanë kaluar dhe se ka probleme me kuorum por thotë se megjithatë po punohet, e në seancën e fundit, kishte rikthim të PDK-së e VV-së.

“Shpresoj që shpejt do të kthehemi në Kuvend fuqishëm”, tha ajo, duke i përmendur të gjitha partitë, pozitë dhe opozitë.

Për sa i përket çështjes së liberalizimit të vizave, Deliu-Kodra tha se kanë dhënë deklarata deri tashmë pozitive, vetëm duke dëgjuar ato që janë vepruar në BE.

“Pritjet tona kanë qenë që Këshilli i Ministrave mblidhet në dhjetor. Kërkesa kryesore ka qenë demarkimi. Ne e kemi bërë këtë, 95 kriteret i kemi përmbushur. Vendimi tani është i shteteve anëtare, por Kosova nuk do të ndalë lobimet”, tha ajo.

Ajo tha se presin edhe vendimin final i cili shpreson të jetë pozitiv.

© ZHURNAL 08.11.2018, 18:01 | T.E. | 687 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

LAJMI I FUNDIT (FOTO) Të shtëna me armë në Strasburg - Europarlamentarët “ngujohen” brenda PE-së

Strazburg, 11 dhjetor - Një person raportohet të ketë vdekur, nëse 6 të tjerë janë plagosur pas të shtënave të mbrëmjes së të martës pranë një tregu Krishtlindjeje në qytetin e Strasburgut, ndërkohë që policia thotë se i dyshuari i armatosur është ende në arrati.

“Një ngjarje tejet serioze që cënon sigurinë publike po ndodh në Strasburg. Banorët janë të lutur të qëndrojnë në shtëpi”, shkruante në rrjetin social “Twitter” ministri i Brendshëm francez.

“Të shtëna në qendrën e qytetit të Strasburgut. Faleminderit të gjithëve që qëndroni në shtëpi, derisa situata të qetësohet”, dërgonte mesazhin e tij zv.kryebashkiaku i qytetit, Alain Fontanel.

Por, më e rëndësishmja është “shtetrrethimi” i Parlamentit Europian që e ka selinë në Strasburg. Sipas asaj që bëhet e ditur, europarlamentarët, stafi shtesë dhe gazetarët e kanë patur të pamundur të dalin nga ndërtesa pas informimit për të shtëna.

PE është duke mbajtur aktualisht një seancë plenare, me qindra europarlamentarë dhe zyrtarë të tjerë që kanë shkuar si çdo muaj në Strasburg nga Brukseli.

© ZHURNAL 11.12.2018, 21:38 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."