Gjeloshaj: Në Mal të Zi nuk mund të ndalohet përdorimi i flamurit shqiptar
kosova
Gjeloshaj: Në Mal të Zi nuk mund të ndalohet përdorimi i flamurit shqiptar

Gjeloshaj: Në Mal të Zi nuk mund të ndalohet përdorimi i flamurit shqiptar

Kryetari i Alternativës Shqiptare, Nik Gjeloshaj, tha se kohën e fundit flamuri shqiptar është bërë gjemb në sytë e zyrtarëve policorë në Ulqin dhe Malësi.

 

“Me keqardhje, konstatojmë veprimin jo-kulturorë dhe anti-civilizues të disa zyrtarëve policorë, si dhe të gjykatës për shkelje penale të cilët vendosën që të merren me punë qorre”, ka thënë ai.

 

Sipas tij, nuk mundet policia dhe as gjykatat, sa do që të përpiqen të frikësojnë dhe të ndalojnë shqiptarët që të përdorin dhe shprehin dashurinë e tyre për flamurin e vetë kombëtar.

 

“Sa do që të angazhohen, nuk janë në gjendje të dënojnë sa jemi të gatshëm të paguajmë, për të mbrojtur flamurin tonë, krenarinë tonë që i lidh shqiptarët kudo. Me shekuj nga Skënderbeu flamuri jonë kombëtar ishte dhe mbetet simbol i civilizimit në këtë rajon dhe më gjerë”, deklaroi Gjeloshaj.

 

Ai ka thënë se shqiptarët janë popull autokton.

 

“E respektojmë Malin e Zi si shtetin tonë dhe simbolet nacionale të Malit të Zi, këtë e kemi treguar vazhdimisht, por urrejtja e shprehur nga disa institucione ndaj flamurit kombëtar të shqiptarëve në Malin e Zi është një problem që tashmë është rast neuropsikiatrik”, ka thënë ai.

 

“Me këtë rast ne e ftojmë publikisht Kryetarin e Kuvendit, z. Brajoviq, që në seancës së parë të rregullt të përfshihet në rendin e ditës Ligji mbi Simbolet nacioanle të miratuar nga Qeveria e Malit të Zi në tetor 2017 dhe të dërgoi në Kuvend dhe propozimin për ndryshimin e Ligjit për Rendin Publik të dorëzuar nga nënkryetari i Parlamentit të Malit të Zi , Genci Nimanbegu pak ditë më parë në procedurën parlamentare”, ka shtuar më tej ai.

 

Gjeloshaj u ka bërë thirrje qytetarëve të cilët ndëshkohen për arsye që e duan vetën dhe flamurin e vetë, që të lajmërohen Alternativës Shqiptare në mënyrë që të marrin të gjitha shpenzimet që mund t’i kenë derisa përfaqësuesit e shqiptarëve të zgjidhim këtë problem në mënyrë institucionale.

“Gjeloshaj përfundon që shqiptarët duhet të vazhdojnë që flamurin ta përdorin, duan dhe respektojnë”, ka thënë ai.

© ZHURNAL 06.12.2018, 17:13 | T.E. | 888 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Manifestim i mbrëmjes së maturës në kolegjin “Jahja Kemal” në Strugë

Strugë, 14 dhjetor – Manifestimi i mbrëmjes së maturës për të shtatën herë me rradhë është organizuar vikendin e kaluar në hapësirat e kolegjit Jahja Kemal në Strugë e në këtë manifestim të pranishëm kanë qenë nxënësit e vitit të katërt, profesor dhe shumë personalitete publike nga Struga. Nxënësit maturant para manifestimit ju është mbajtur trajnim se sit ë sillen në manifestime formale të tilla dhe protokollare. Evenimentin e kanë pasuruar edhe me pjesën zbavitëse ku nxënësit e shkollës që kanë formuar një bend kanë bërë muzikë xhaz.

Ideja për këtë eveniment është dhënë nga vet shkolla që para shtatë viteve në bashkëpunim me qytetin e Strugës duke realizuar kështu me shumë sukses. Nxënësit i ka pritur organizatori që është profesor nga shkencat shoqërore. Gjithë pjesëmarësit kanë respektuar kodin e veshjes që është karakteristik për këto lloj manifestime. Sipas udhëheqësisë së shkollës, ky është manifestim shumë i rëndësishëm për shkak se një numër i madh i nxënësve sipas statistikave vazhdojnë mësimin jashtë shtetit dhe janë shumë personalitete të njohura dhe të suksesshme në sferën e biznesit si në vend ashtu edhe jashtë.

 

© ZHURNAL 14.12.2018, 20:59 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."