Athinë, 6 dhjetor - Nuk kanë të ndalur reagimet në Greqi pas deklaratës së kryeministrit, Zoran Zaev se edhe atje do të duhet të mësohet gjuha maqedonase. Këtë herë nga kabineti i kryeministrit grek, Aleksis Cipras porosisin IRJM-në dhe Zaevin që në mënyrë të kujdesshme dhe precize t’i përmbahet Marrëveshjes së Prespës, në mënyrë që të integrohet në NATO dhe BE.

Ndërkohë opozitën greke, për të cilën deklarata e Zaevit ishte irredentiste nga kabineti i Ciprasit e kujtojnë se “gjuha maqedonase” është njohur qysh nga viti 1997 në OKB.

Deputeti i partisë së koalicionit qeveritar, Grekët e Pavarur, Tanasis Papahristopulos tha se deklarata e Zaevit e dhënë për të fituar 80 vota në Kuvendin e Shkupit nuk do ta lëkundin atë nga vendosshmëria për ta votuar marrëveshjen në Kuvendin e Athinës. Ndërsa për ish ministrin e jashtëm, Nikos Kocias deklarata e Zaevit shkel jo vetëm marrëveshjen që duhet të hyjë në fuqi, por edhe atë të vitit 1995.

Shkup, 14 dhjetor - E keqja nuk ka fund. Kjo fjali popullore në këto ditë të ftohta dimri plotësisht e pasqyron rastin e familjes së Mustaf Zllatit nga fshati Çajlanë i Shkupit.

Brenda vetëm një ore kjo familje ka mbetur pa kulm mbi kokë, pasi shtëpia e tyre e vogël të enjten u kaplua nga zjarri. Flakët për një kohë të shkurtër kanë shkrumbuar gati gjithë shtëpinë. Për më tepër shikoni më poshtë kronikën:

Linku i videos