Le Figaro: Beogradi frikësohet se Prishtina do ta përdorte ushtrinë kundër serbëve
kosova
Le Figaro: Beogradi frikësohet se Prishtina do ta përdorte ushtrinë kundër serbëve

Le Figaro: Beogradi frikësohet se Prishtina do ta përdorte ushtrinë kundër serbëve

Prishtinë, 6 dhjetor - Gazeta franceze “Le Figaro” i ka kushtuar një artikull zhvillimeve të fundit sa përket formimit të Ushtrisë së Kosovës.

Kjo gazetë citon deklaratën e kryeministres serbe, Ana Bërnabiq  sipas së cilës formimi i ushtrisë së Kosovës mund të provokojë ndërhyrjen ushtarake të Serbisë  dhe se “Beogradi ka frikë se një ushtri e tillë mund të përdoret për dëbimin e pakicës serbe në Kosovë”, transmeton Klan Kosova.

Në artikullin e titulluar “Serbia po kërcënon të ndërhyjë nëse Kosova formon ushtrinë,” gazeta e Parisit  thekson se Parlamenti i Kosovës më 14 dhjetor duhet të sqarohetrreth formimit të forcave të mbrojtjes, të përbërë nga 4000 njerëz, në ushtri të rregullt.

“Ky proces mund të zgjasë me vite, por Beogradi ka frikë se kjo ushtri do të përdoret për të dëbuar minoritetin serb që ende jeton në Kosovë”, shkruan Le Figaro.

Në këtë kontekst, citon gazeta shefen e ekzekutivit serb e cila shpreson ” se Serbia kurrë nuk do të duhet të përdorë ushtrinë, por se kjo është aktualisht një nga mundësitë për t’u konsideruar, sepse Beogradi “nuk dëshiron të marrë pjesë në këtë spastrim etnik”, transmeton Klan Kosova.

Gazeta kujton se tensionet dypalëshe u përkeqësuan më tej kur Kosova  më 21 nëntor vendosi taksën prej 100 për qind në importin e mallrave nga Serbia dhe Bosnja e Hercegovina, e që sipas vlerësimeve, ishte një reagim ndaj presionit të Beogradit kundër pranimit të Kosovës në Interpol.

Le Figaro  shkruan edhe për mesazhin e Sekretarit të Përgjithshëm të NATO-s, Jens Stoltenberg rreth formimit të ushtrisë së Kosovës i cili tha se ishte kundër këshillave të shumë anëtare të NATO-s dhe se kjo mund të ketë pasoja serioze për të ardhmen e integrimit euroatlantik të Kosovës. /klankosova.tv/.

© ZHURNAL 06.12.2018, 09:23 | Xh.I. | 1,363 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Një kroat mashtroi një tetovar duke ia vjedhur 40 mijë euro!

Shkup, 14 dhjetor – Një qytetar nga Tetova humbi 40.000 euro me të cilat donte të blejë makina nga Italia, pasi u mashtruar nga një kroat, i cili deklarohej si pronar i kompanisë, ka njoftuar Ministria e Punëve të Brendshme, shkruan "Zhurnal".

Policia e Tetovës e ka akzuuar personin M.K. (38) nga Kroacia për mashtrim të veprës penale. Sipas policisë A.G. (34) nga fshati Strimnicë i Tetovës, menaxher i kompanisë nga Strimnica, muajin e kaluar njoftoi se është mashtruar. Biznesmeni shpjegoi se më parë kishte kontaktuar me një person të panjohur, i cili është paraqitur si pronar i një firme në Milano të Italisë.

Banori nga Tetova ishte i interesuar të blejë makineri pune dhe më 26 nëntor 2018 ai dërgoi përfaqësuesin e tij në Itali, të cilit iu prezantuan makinat e punës. Në të njëjtën kohë, përfaqësuesi i firmës nga Tetova i ka dhënë 8,000 euro si kapar, kurse si garancë iu është dhënë një fotokopje e letërnjoftimit të një personi nga Kroacia.

Pasi janë dakorduar për çmimin, A.G. i ka paguar edhe 32,000 euro firmës në Itali, por më pas M.K. i ndërpreu të gjitha kontaktet me qytetarin nga Tetova , kurse makineritë nuk iu dorëzuan atij.

© ZHURNAL 14.12.2018, 20:39 | B.L.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."