Gjermania përkrah Kosovën për liberalizimin e vizave
kosova
Gjermania përkrah Kosovën për liberalizimin e vizave

Gjermania përkrah Kosovën për liberalizimin e vizave

Michael Roth, Sekretar i Shtetit për Evropën në Zyrën e Jashtme Federale të Gjermanisë në qeverinë e kancelares Angela Merkel, ka thënë se Kosova, i ka përmbushur të gjitha kriteret për liberalizimin e vizave.

Ai madje ka thënë se Gjermania, do të lobojë fuqishëm për Kosovën në Bruksel.

“Kosova ka përmbushur kushtet e Bashkimit Evropian që t’u jepet liberalizimi i vizave. Prandaj duhet të jepet dritë jeshile për kosovarët. Ne do të lobojmë fuqishëm për këtë në Bruksel”, ka shkruar Roth në Twitter, transmeton Koha.net.

Megjithatë, në prioritetet e liderëve kosovarë për vitin 2019, liberalizimi i vizave mungoi. Zhvillimi ekonomik, lufta kundër korrupsionit dhe përparimet në procesin integrues evropian, u theksuan si prioritete të politikës së Kosovës për vitin 2019.

Shpresa e kosovarëve për liberalizim vizash është viti 2020, nëse jo 2019-ta.

© ZHURNAL 10.01.2019, 22:11 | T.E. | 752 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."