Chelsea me ofertë të lartë për Cagliarin dhe Barellan
sport
Chelsea me ofertë të lartë për Cagliarin dhe Barellan

Chelsea me ofertë të lartë për Cagliarin dhe Barellan

Chelsea thuhet se i ka ofruar mesfushorit të Cagliarit, Nicolo Barella, një kontratë të madhe pesëvjeçare për të kaluar në Londër këtë muaj.

Gjatë ditëve të fundit u raportua se klubi londinez ka zgjedhur argjentinasin e Zenitit, Leandro Paredes para Barellas.

Megjithatë, mesfushori i talentuar italian përsëri qëndron në krye të listës së dëshirave të Chelseat.

Mediat italiane raportojnë se Chelsea i ka ofruar mesfushorit të Cagliarit një kontratë të madhe.

Sipas mediumit Tuttomercatoweb, një marrëveshje pesëvjeçare me vlerë prej pesë milionë euro më sezon i është paraqitur reprezentuesit italian.

Chelsea gjithashtu i ka ofruar Cagliarit një shumë të madhe prej 55 milionë eurosh për të transferuar Barellan.

Barella është një kërkesë e veçantë e trajnerit të Bluve, Maurizio Sarri, ndërsa ndihmësi i tij Gianfranco Zola i ka folur rregullisht në telefon lojtarit për jetën në Cobham.

Megjithatë, lojtari nuk është ende i bindur për largimin jashtë vendit në këtë fazë të karrierës së tij, ku në Serie A kërkohet nga Interi.

© ZHURNAL 11.01.2019, 13:16 | Xh.I. | 348 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."