Fitore të rëndësishme për Golden State dhe Toronton
sport
Fitore të rëndësishme për Golden State dhe Toronton

Fitore të rëndësishme për Golden State dhe Toronton

Golden State Warriors kanë arritur të ndërprejnë ecurinë negative në shtëpi duke mposhtur Neë York Knicks me rezultat 122-95.

Sfida nuk ishte në asnjë moment e barabartë dhe Golden State kishte dominimin absolut në këtë takim.

Klay Thompson ishte i shkëlqyer me 43 pikë të realizuara nga shtatë treshe, i përcjellë nga Kevin Durant me 24 pikë dhe Curry me 14 pikë e 14 asistime.

Fitore më të vështirë se sa që u mendua realizoi Toronto në shtëpi ndaj Atlantas me rezultat 104-101.

Ndeshja ishte e ngushtë deri në fund të takimit, ku Leonard realizoi 31 pikë, 4 kërcime, 6 asistime, 6 topa të vjedhur dhe një bllokadë.

Lowry realizoi 16 pikë e gjashtë asistime, kurse Siakam e Ibaka shtuan nga 13 pikë.

Toronto është rikthyer në vendin e parë me 31 fitore deri tash të realizuara, ndërsa Golden State mban vendni e dytë me një fitore më pak se sa Denveri që mban vendin e parë.

© ZHURNAL 09.01.2019, 09:09 | Xh.I. | 429 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."