Kosovari që kërkon suksesin e tij në NASA
teknologji
Kosovari që kërkon suksesin e tij në NASA

Kosovari që kërkon suksesin e tij në NASA

Xhafer Rama ka nisur “rrugëtimin” e tij në Mars! 24 vjeçari nga fshati Turuçicë e komunës së Podujevës, Xhafer Rama nuk është astronaut, por rrugët e suksesit në karrierën e tij drejtuan djaloshin kosovar në NASA (National Aeronautics and Space Administration).

NASA, ky emër për të cilin kemi dëgjuar vetëm në lajme dhe filma është Agjencia më e madhe Hapësinore në Botë, e cila daton që nga viti 1958, me seli në Shtetet e Bashkuara të Amerikës, vizioni i së cilës është: Ne tentojmë të mbërrijmë lartësi të reja dhe zbulojmë të panjohurën për përfitimet e njerëzimit. Në këtë agjenci të njohur botërisht, së fundmi është punësuar si inxhinier, kosovari Xhafer Rama.

Rrugëtimin e tij prej kur ka shkuar në Amerikë e deri te punësimi në NASA, ai sot e rrëfeu në një intervistë ekskluzive audiovizuale për portalin rtv21.tv. Prapa një suksesi të tillë, qëndron edhe një punë e madhe.

Xhaferi ka hyrë në histori të Universitetit “Bera Collage”, në Ketucky të Amerikës. Ai është i pari që ka arritur të përfundojë tri drejtime në të njëjtën kohë brenda katër viteve në këtë Universitet. Ndërsa, aktualisht karrierën po e vazhdon duke punuar për shumë kompani në SHBA./ KultPlus.com

© ZHURNAL 10.02.2019, 10:42 | L.E. | 982 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."