Shkaku i taksës, gjenerali amerikan anulon vizitën në Kosovë
kosova
Shkaku i taksës, gjenerali amerikan anulon vizitën në Kosovë

Shkaku i taksës, gjenerali amerikan anulon vizitën në Kosovë

Mospezullimi i taksës nga ana e Qeverisë së Kosovës ka bërë që komandanti i Gardës Kombëtare të Iowas, gjenerali majori Timothy Orr, ta anulojë vizitën e tij për në Kosovë.

Vizita e gjeneral majorit Timothy Orr ishte planifikuar që të bëhej nga 16 shkurti deri më 18 shkurt, pra ai ishte i ftuar në 11-vjeotrin e Pavarësisë së Kosovës.

Gjenerali i FSK-së, Rrahman Rama është njoftuar nga zyrtarë të ambasadës amerikane në Prishtinë për anulimin e kësaj vizite.

Anulimin e vizitës së gjeneral majorit Timothy Orr e ka konfirmuar për lajmi.net, Ardian Arifaj, këshilltar i presidentit Hashim Thaçi.

“Po, Gjeneral Rama ka dërguar një letër me të cilën e njofton Presidentin Thaçi se SHBA ka anuluar vizitën e Gjeneralit Orr. Gjeneral Rama na ka njoftuar se ka pasur një takim me përfaqësuesit e ambasadës amerikane në Prishtinë, të cilët e kanë informuar se gjenerali Orr e ka anuluar vizitën e tij”, ka thënë Arifaj për lajmi.net.

Ndërkaq lajmi.net merr vesh se anulimi i vizitës së gjeneralit Orr ka të bëjë me mospezullimin e taksës gjë që ka bërë edhe të bllokoj dialogun në mes të Kosovës dhe Serbisë tash e sa kohë.

Në anën tjetër, lajmi.net ka bërë përpjekje që të marrë përgjigje edhe nga Zyra e Kryeminsitrit, Ramush Haradinaj, për anulimin e kësaj vizite, mirëpo një gjë e tillë ka qenë e pamundur.

© ZHURNAL 10.02.2019, 18:05 | T.E. | 1,864 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."