Se ndali lufta, por neglizhenca rrezikon shkatërrimin e mullirit të moçëm të Lipjanit
kosova
Se ndali lufta, por neglizhenca rrezikon shkatërrimin e mullirit të moçëm të Lipjanit

Se ndali lufta, por neglizhenca rrezikon shkatërrimin e mullirit të moçëm të Lipjanit

Në orët e para të mëngjesit hapet mulliri i Sani Hoxhajt.

Në fshatin Shalë në Lipjan, ai tregon se e ka trashëguar mullirin nga parët e tij e thotë se është dhjetëra vjet i vjetër, raporton KTV.

Ai tregon, se edhe në kohën e luftës, mulliri nuk u ndal asnjëherë së punuari.

Por, mulliri rrezikon të shembet, e Hoxha thotë se askush nuk është i gatshëm të ndihmojë.

Ai tregon se erërat e ditëve të fundit, e kanë shkatërruar edhe më shumë mullirin, në të cilin nuk po ndihet i sigurt të punojë, sidomos gjatë natës.

Sani Hoxha, ruan shumë kujtime aty dhe thotë se traditën do ta përcjellë tutje edhe te fëmijët e tij.

Ai thotë se deri në restaurimin e këtij objekti dhe krijimin e kushteve më të mira për punë aty, është i detyruar të punojë në këto kushte.

© ZHURNAL 10.02.2019, 23:34 | T.E. | 1,752 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."