Biber: Protestat në Serbi tërheqin vëmendjen për çështjen e Kosovës
kosova
Biber: Protestat në Serbi tërheqin vëmendjen për çështjen e Kosovës

Biber: Protestat në Serbi tërheqin vëmendjen për çështjen e Kosovës

Prishtinë, 11 shkurt - Profesori në Universitetin e Gracit të Austrisë, Florian Bieber ka thënë se Kosova është arsyeja kryesore pse Komisioni Europian e “shikon me një sy të mbyllur” kryetarin e Serbisë, Aleksandar Vuçiq, rreth protestave në Serbi.

Ai në një intervistë për FoNet ka shtuar se “ka ende shpresë se ai do të zgjidhë këtë problem”, transmeton Klan Kosova.

Biber mes tjerash ka deklaruar se në Serbi tensionet dhe frika janë në rritje, dhe thotë se në protestat qytetare në Serbi sheh “fillimin e çlirimit të popullit”.

Sipas tij, protestat e qytetarëve anembanë Serbisë, janë problem për një pjesë të vendeve anëtare të BE “, sepse sipas tij tërheqin vëmendjen për zgjidhjen e çështjes së Kosovës, e që është një prioritet”.

Nga ana tjetër, siç theksoi profesori në Universitetin e Gracit, as opozita serbe nuk përfaqëson një alternativë të vlefshme ndaj Bashkimit Evropian, për shkak të qëndrimeve të saj të paqarta ndaj pozicionit të BE-së dhe qëndrimin konzervativ ndaj zgjidhjes së çështjes së Kosovës.

© ZHURNAL 11.02.2019, 09:35 | Xh.I. | 869 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."