NATO po bën manovra në Detin e Zi, reagon Rusia
bota
NATO po bën manovra në Detin e Zi, reagon Rusia

NATO po bën manovra në Detin e Zi, reagon Rusia

Zëvendësministri i Punëve të Jashtme i Qeverisë ruse, Alexander Grushko ka kundërshtuar ashpër aksionet ushtarake të aleancës veri-atlantike në rajonin strategjik, duke insistuar se kjo rrezikon stabilitetin.

Komentet e tij vijnë pasi pesë anije luftarake kanë marrë pjesë në një ushtrim detar të udhëhequr nga shteti i Rumanisë në Detin e Zi, si pjesë e operacionit Sea Shield 2019.

Grushko tha se shteti i tij po i sheh si shumë negativ zhvillimin gjithmonë e në rritje të aksioneve ushtarake afër territorit të shtetit rus.

“Aktivitetet e tyre në detin e Zi nuk mund të shtojnë sigurinë, ato vetëm rrezikojnë stabilitetin rajonal. Ne definitivisht do të marrim masa ndaj për të neutalizuar rrezikun që lidhet me aktivitetin në rritje të NATO’s në atë rajon”, tha Grushko për reporterët pas përfundimit të Asamblesë për politikat e jashtme dhe atyre të mbrojtjes së shtetit të tij.

Ndryshe zona rreth Detit të Zi ka qenë në fokus të rritjeve të tensioneve në muajt e fundit. Tre anije luftarake ukrainase u kapën nga flota ruse në nëntor të vitit të kaluar.

© ZHURNAL 14.04.2019, 21:33 | T.E. | 1,373 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."