Thaçi: Ua ritheksova Hahnit dhe Tuskut që zvarritja e liberalizimit është e pakuptimtë dhe e papranueshme
kosova
Thaçi: Ua ritheksova Hahnit dhe Tuskut që zvarritja e liberalizimit është e pakuptimtë dhe e papranueshme

Thaçi: Ua ritheksova Hahnit dhe Tuskut që zvarritja e liberalizimit është e pakuptimtë dhe e papranueshme

Presidenti i Kosovës, Hashim Thaçi ka thënë se në takimet e ndara të sotme me presidentin e Këshillit Europian Donald Tusk si dhe komisionerin për Zgjerim Johannes Hahn, ka diskutuar problematikën e zbarritjes së procesit të liberalizimit të vizave.

Më shumë detaje rreth takimit, Thaçi ka ndarë edhe përmes llogarisë së tij në facebook, postim të cilin mund ta lexoni më poshtë:

”Republika e Kosovës e ka orientim strategjik Bashkimin Evropian. Në takimet e sotme me presidentin Tusk dhe komisionerin Hahn në Bruksel, ritheksova se zvarritja e vendimit për liberalizimin e vizave për qytetarët tanë është e pakuptimtë dhe e papranueshme. Bashkimi Evropian, pa vonesa të tjera, duhet ta marrë vendimin për heqjen e vizave dhe duhet ta përshpejtojë rrugëtimin e Ballkanit Perëndimor në familjen evropiane. Status Quo-ja dhe mosmarrëveshjet ndërmjet shteteve të Ballkanit Perëndimor tejkalohen vetëm me lidership dhe vizion të qartë të Bashkimit Evropian për tërë rajonin tonë. HTH”

© ZHURNAL 15.04.2019, 17:00 | Z.H. | 1,485 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."