Role me lajthi
receta
Role me lajthi

Role me lajthi

Përbërësit

 

Për petën:

5 vezë

100 gr sheqer

40 gr kakao

2 lugë gjelle miell

kripë

kanellë

arrë moskat

për lyerjen e tepsisë gjalpë

Për mbushjen:

250 ml ajkë e ëmbël

100 gr çokollatë e zezë

aromë vanilje

Glazura:

100 gr çokollatë e zezë

20 gr gjalpë

50 gr lajthi të thërmuara

Udhëzimet

 

Hapi 1

Së pari bëjeni gati mbushjen. Çokollatën shkrijeni e ajkën rraheni mirë me mikser. Kur të jetë ftohur pak çokollata bashkojeni me ajkën dhe shtoni aromën e vaniljes. Lëreni të ftohet në frigorifer.

 

Hapi 2

Furrën ngroheni në 220 gradë.

 

Hapi 3 

Tepsinë mbulojeni me letër pjekjeje. Qoshet e tepsisë lyejini me pak gjalpë, në mënyrë që të mos ngjis peta.

 

Hapi 4 

Të bardhët e vezëve rrahini mirë me 1/3 e sheqerit derisa të fitoni një shkumë të fortë.

 

Hapi 5 

Të kuqtë e vezëve rrahini me pjesën e mbetur të sheqerit e më pas shtojuni kakaon, pak kripë, kanellën, arrën moskat dhe miellin.

 

Hapi 6

Pastaj tek kjo masë gradualisht shtoni të bardhët e rrahura.

 

Hapi 7 

Kur të keni fituar një masë homogjene, zbrazeni atë në tepsinë e përgatitur.

 

Hapi 8

Piqeni për afro 7 minuta në furrën e parangrohur.

 

Hapi 9 

Pas pjekjes, petën mbështilleni me një napë të lagur kuzhine. Pasi të jetë ftohur, petën mbusheni me çokollatën e ftohur.

 

Hapi 10

Zbukurojeni me çokollatën e shkrirë me pak gjalpë dhe me lajthi të copëtuara trashë.

 

 

Ju bëftë mirë.

© ZHURNAL 30.04.2019, 11:13 | L.E. | 892 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."