“YouTube” heq dorë nga projekti televiziv, rrugë e lirë për Apple
teknologji
“YouTube” heq dorë nga projekti televiziv, rrugë e lirë për Apple

“YouTube” heq dorë nga projekti televiziv, rrugë e lirë për Apple

“YouTube” hoqi dorë nga prodhimet televizive me buxhet të lartë, duke i lënë kështu fushë të lirë “Apple”, që sapo prezantoi shërbimin e ri streaming.

Vendimi, sipas “Bloomberg”, vjen si pasojë e rezultateve të dobëta krahasuar me pritshmëritë. Në modelin e zgjedhur nga “YouTube”, prodhimet televizive me buxhet të lartë propozoheshin në episode pilote falas për këdo, ndërsa pjesa tjetër e episodeve ishin të disponueshme me pagesë për abonentët e “YouTube Premium”.

Nga ky vendim preken edhe spektakli “Overthinking with Kat & June”, si dhe seriali fantashkencë “Origin”. Nuk dihet fati i “Step Up: Hight Water”.

Sipas “Bloomberg”, pika kyçe e biznesit të platformës mbetet shitja e reklamave, përmes të cilave kompania ka fituar rreth 15 miliardë dollarë./tch

© ZHURNAL 05.04.2019, 11:14 | L.E. | 540 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."