Zgjedhjet në veriun e Mitrovicës: Fushata nis nesër
kosova
Zgjedhjet në veriun e Mitrovicës: Fushata nis nesër

Zgjedhjet në veriun e Mitrovicës: Fushata nis nesër

Nesër fillon fushata pesë ditore për zgjedhjet e jashtëzakonshme në katër komunat e veriut të Mitrovicës, të cilat do të mbahen më 19 maj.

 

Zgjedhjet e jashtëzakonshme mbahen në Leposaviq, Zubin Potok, Zveçan dhe Mitrovicë Veriore pas dorëheqjes së kryetarëve atje shkaku i taksës prej 100 për qind ndaj produkteve me origjinë nga Serbia.

 

Të drejtë vote kanë 58 520 votues, me dallim prej 1 507 votues më shumë, në krahasim me Zgjedhjet e Lokale të datës 22 tetor 2017.

 

Komisionin Qendror të Zgjedhjeve pritet të angazhoi 670 komisionerë në 44 qendra të votimit në gjithsej 87 vendvotime. Kurse, sot përmbyllet afati për akreditim të vëzhguesve në këto zgjedhje.

 

Përndryshe, të drejtë vote në Mitrovicën veriore kanë 22 242 persona; në Leposaviq 18 390 persona në Zveçan 9.276 persona dhe në Zubin Potok 8 612 persona kanë të drejtë vote.

© ZHURNAL 12.05.2019, 08:31 | Z.H. | 796 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."