Shkup, forum për përforcimin e integrimit evropian të Ballkanit Perëndimor
maqedonia
Shkup, forum për përforcimin e integrimit evropian të Ballkanit Perëndimor

Shkup, forum për përforcimin e integrimit evropian të Ballkanit Perëndimor

Shkup, 13 maj - “Përforcimi i integrimeve evropiane të Ballkanit Perëndimor – Duke mësuar nga e kaluara, përgatitemi për të ardhmen”, është tema e forumit që do të fillojë sot në organizim të Institutit për demokraci “Societas Civilis” – Shkup në bashkëpunim me Qendrën për studime lindore nga Varshava dhe Ambasadën e Republikës së Polonisë në Shkup.

Ngjarja do të zgjasë dy ditë dhe do të trajtojë tema lidhur me Procesin e Berlinit në kontekst të presidencës polake, siç janë bashkëpunimi rajonal, siguria, emigracioni, integrimi evropian i vendeve të Ballkanit Perëndimor, rrjetëzimi i tyre si dhe për tejkalimin e problemeve bilaterale.

Forumin, siç paralajmëruan organizatorët duhet ta hap Andrej Zhernovski, zëvendësministër i Punëve të Jashtme të Maqedonisë Veriore, Shimon Shinkovski vel Sek, zëvendësministër i Punëve të Jashtme të Republikës së Polonisë, Marko Troshanovski, kryetar i Institutit për demokraci “Societas Civilis” – Shkup dhe Adam Eberhard drejtor i Qendrës për studime lindore.

© ZHURNAL 13.05.2019, 10:47 | Xh.I. | 2,842 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."