MG i parë elektrik arrin këtë muaj në Evropë
auto
MG i parë elektrik arrin këtë muaj në Evropë

MG i parë elektrik arrin këtë muaj në Evropë

Prodhuesi britanik i veturave MG, i cili është në pronësi të kompanisë kineze SAIC që nga viti 2005, do ta prezantojë modelin e tij të parë elektrik këtë muaj.

Pothuajse një mijë vetë kanë shprehur interesim për SUV-in MG ZS EV, i cili do të debutojë në Panairin e veturave në Londër nga data 16 deri 19 maj.

 

MG do të hapë mundësinë e rezervimeve gjatë premierës dhe shitja do të fillojë më 1 shtator, kur specifikimet dhe çmimet do të bëhen të ditura.

MG ZS EV vjen me motor elektrik me kapacitet prej 148 kuajfuqi dhe shpejtësinë nga 0-100 km/h mund ta arrijë për 6.2 sekonda.

Gjithashtu, ky SUV i ri elektrik vjen me dy bateri përmes të cilave me vetëm një mbushje mund të udhëtojë deri në 430 kilometra./ksp

© ZHURNAL 13.05.2019, 11:20 | L.E. | 716 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."