Rrihet mizorisht gazetari që kritikoi Erdoganin
bota
Rrihet mizorisht gazetari që kritikoi Erdoganin

Rrihet mizorisht gazetari që kritikoi Erdoganin

Vetëm disa orë pasi që kritikoi presidentin turk Rexhep Taip Erdogan në një paraqitje televizive, gazetari Yavuz Selim Demirag u bë viktimë e një sulmi mizor nga disa njerëz të panjohur, shkruan agjencia e lajmeve Fox.

Kolumnisti i gazetës Yenicag, Yavuz Selim Demirag u sulmua nga pesë persona jashta shtëpisë tij, dhe më pas u dërgua me emergjencë në spital pasi kishte lëndime në gjithë trupin e tij.

Sulmuesit thuhet të kenë ikur me një makinë dhe nuk janë arrestuar.

Edhe pse motivet apo instiguesit e sulmit ende nuk dihen, kjo vjenë në një kohë kur tensionet janë rritur pas vendimit për anulimin e rezultateve të zgjedhjeve për qytetin e Stambollit.  

Edhe pse komisioni i zgjedhjeve muajin e kaluar zyrtarizoi se partia CHP me kandidatin Ekrem Imamoglu fitoi në zgjedhjet e 31 marsit, duke mposhtur kandidatin e partisë së Erdoganit, Binali Yildrim, vendimi u kthye javën e kaluar nga qeveria që citoi ‘’parregullsi’’.

Një votim i ri pritet të ndodhë me 23 qershor.

Sulmi ndaj gazetarit vjen në një kohë kur liria e shtypit në Turqi është në pikën më të ulët.

“Politikanët kanë probleme të përkrahin idenë e lirisë së mediave dhe të shprehjes. Ata kthejnë gazetat dhe gazetarët në shënjestra, dhe kështu luajnë një rol të madh në këto sulme”, thotë shoqata e gazetarëve të Turqisë në një eragim zyrtar.

Turqia ka burgosur më shumti gazetarë në botë. Së paku 68 gazetarë janë burgosur me akuza që lidhen direct me punën e tyre.

Raportohet se gjendja e Demirag është stabile dhe pritet të dalë nga spitali shumë shepjt.

© ZHURNAL 13.05.2019, 19:50 | T.E. | 4,456 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."