Flet avokati Valentin Landmann: Loredana do duhej të ishte në paraburgim
showbiz
Flet avokati Valentin Landmann: Loredana do duhej të ishte në paraburgim

Flet avokati Valentin Landmann: Loredana do duhej të ishte në paraburgim

Shtirja si vajza e avokatit të njohur nga Zvicra, Valentin Landmann i funksionoi shumë mirë reperes nga Kosova, Loredana Zefi.

Si vajza e Landmann ajo disa herë e fitoi besimin e shumë viktimave.  Edhe çifti tashmë i njohur Valais ishin mashtruar kështu nga Loredana.Avokati zviceran ka folur për herë të parë rreth rastit. Landmann ka thënë se Loredana do duhej të ishte në paraburgim, shkruan Blick.

Një kompanie e anijeve në kantonin e Neuchtael gjithashtu e ka identifikuar Loredanën derisa e njëjta me emrin Gentiana Landmann kishte marrë një anije me qera dhe nuk e kishte paguar faturën.Megjithëkëtë, Loredana në vend se të ishte në paraburgim, shkoi në Kosovë për të xhiruar spotin e këngës së ardhshme.Kjo sipas avokatit të njohur Valentin Landmann është e pakuptimtë. Ai thotë se bazuar në historitë që kanë dalë në media, prokurori do të duhej të merrte një vendim deri më tani.

Sipas tij, ishte e rrezikshme që ajo ka fluturuar për në Kosovë, sepse mund të ketë më shumë viktima që janë të përfshira në këtë rast.Landmann thotë se vendimi më i mirë do të ishte paraburgimi.

Sa i përket abuzimit me emrin e tij, kjo e ka zemëruar avokatin e njohur në Zvicër. Ai tha se kjo nuk do të duhej të kishte ndodhur në asnjë mënyrë, por, që shton se nuk do të përdorë masa ligjore kundër saj.Landmann është përmendur nga avokati kosovar Tomë Gashi që ka angazhuar Loredana edhe në konferencën që u mbajt javën e kaluar në Prishtinë.Loredana tashmë është kthyer në Zvicër.Ajo ka publikuar një fotografi në profilin e saj në Instagram, duke bërë të ditur se është kthyer në shtëpi.

© ZHURNAL 13.05.2019, 22:12 | L.E. | 4,495 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."