Lumma Design zbulon paketën e re për Range Rover Evoque
auto
Lumma Design zbulon paketën e re për Range Rover Evoque

Lumma Design zbulon paketën e re për Range Rover Evoque

Kompania gjermane e cila merret me modifikimin e veturave, Lumma Design, njofton se së shpejti do të sjellë paketën e re dedikuar për Range Rover Evoque.

Kjo nënkupton se Evoque mund të modifikohet me paketën “CLR RE”, e cila përfshinë mbrojtësit anësor të zgjeruar, mbrojtësin e përparmë shtesë (spoiler), pragjet e reja, mbrojtësin shtesë (spoiler) në bagazh, si dhe mbrojtësin e pasmë shtesë (difuzer), transmeton Koha.net.

Paketa e re, po ashtu, përfshinë edhe kofanon prej fibra të karbonit me vrima për ajër, maskën e re të përparme, set të ri të rrotave prej 21 deri 23-inç, sistemin sportiv të shkarkimit të gazrave, si dhe interier të modifikuar – që përbëhet nga timoni sportiv, pedalet nga alumini, tepihët me logon “Lumma”, etj.

Gjithashtu, blerësve potencialë do t’iu ofrohen më shumë opsione për ngjyrë të eksterierit dhe në njoftim, po ashtu, thuhet se do të jetë në dispozicion edhe paketa për përforcimin e motorit.

Paketa “CLR RE”, po ashtu, thuhet se do të jetë në dispozicion nga muaji shtator i këtij viti ndërsa çmimi i saj ende nuk është zbuluar.

© ZHURNAL 05.05.2019, 10:38 | L.E. | 829 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."